حضرت غوث الاعظم کی زندگی امت مسلمہ کے لیے مشعلِ راہ: مفتی غلام حسین ثقافی

بہار شریف نالندہ (پریس ریلیز)
شہر بہار شریف کا مشہور ومعروف محلہ بساربیگہ میں گیارہویں شریف کے موقع پر بعد نمازِ عشاء ایک عظیم الشان جشنِ غوث الاعظم بڑے ہی شان و شوکت کے ساتھ انعقاد ہوا تلاوت قرآن کریم محفل کا آغاز ہوا اس کے بعد جلسہ کی صدارت کررہے جناب الحاج محمد مصباح الدین قادری سہروردی صدر بڑی مسجد بساربیگہ نے نعتیہ کلام و منقبت کے اشعار پڑھے جس کو سن کر اہل محفل جھوم اٹھے صدر صاحب نے دوران نعت یہ کہا کہ الحمداللہ 85 سال عمر ہونے کے باوجود نبی کی نعت لکھتا ہوں پڑھتا ہوں یہ سرکار کا نظر کرم نہیں تو اور کیا ہے حاجی صاحب نے کہا کہ الحمداللہ جشن غوث الاعظم کی محفل ہمارے محلہ میں تقریباً 80 سالوں سے مسلسل ہوتا چلا آرہا ہے اور ان شاءاللہ العزیز ہوتا رہے گا اس کے بعد حضرت علامہ مفتی غلام حسین ثقافی نائب قاضی ادارہ شرعیہ پٹنہ نے غوث الاعظم شیخ عبدالقادر جیلانی کی سوانح حیات اور تعلیمات پر نصیحت آموز گفتگو کرتے ہوئے کہا کہ جب تک قوم مسلم بزرگانِ دین کی تعلیمات کو اپنی زندگی میں نہ اتارلیں اس وقت تک کامیابی ممکن نہیں کیونکہ بزرگوں نے ہمیشہ اخلاق و محبت اور بھائی چارگی کا درس دیا سب کو ایک کرکے نیک بنایا اور خدائے وحدہُ لاشریک کی بارگاہ میں لا کر جھکا دیا مولانا موصوف نے کہا کہ بزرگوں کی تعلیمات، ارشادات کیا ہے قوم مسلم کبھی سمجھنے کی کوشش کی نہیں کی اس لئے ذلیل وخوار ہمارا مقدر ہوگئی ہے اس کے بعد قاری محمد ارشد اقبال نے بہترین انداز میں نعتیہ کلام و منقبت کے اشعار پڑھے اور اس دوران انہوں نے کہا کہ جلسہ کرائیں مگر اس کے ساتھ اصلاح بھی ہو نمازیوں کی تعداد میں اضافہ ہو، لوگ نیکی کی طرف دوڑیں اور برائی سے باز آجائیں تقریباً 12 شب صلاۃ و سلام اور رقت آمیز دعاؤں پر محفل اختتام کو پہنچا اس موقع پر حضرت حافظ و قاری محمد شہنواز رضوی علیگ مغل کنواں کے علاوہ کثیر تعداد میں حاضرین محفل میں شریک ہوکر علمائے کرام کی نورانی بیانات سے اپنے دلوں کو مستفیض کیا ۔